Ekologiya vazirligi tomonidan Yuqorichirchiq tumani hududidan oqib o‘tuvchi Chirchiq daryosida olib borilgan nazorat reyd tadbirlarida daryoning muhofaza mintaqasidan 1 dona yuklovchi va 2 dona «MAN» rusumli yuk tashuvchi transport vositalari yordamida shag‘al mahsuloti noqonuniy qazib olib ketilayotganligi aniqlangan.
Surishtiruv davomida qum-shag‘al «Sharq neftgaz biznes» MCHJ rahbari O. K. tomonidan qazdirilganligi ma’lum bo‘ldi. O‘lchov natijasida tabiatga yetkazilgan zarar 6 milliard 635 million 894 ming 160 so‘mni tashkil qildi.
Holatga huquqiy baho berish va qonuniy chora ko‘rishni ta’minlash maqsadida hujjatlar Bosh prokuraturaga yuborildi.