Suriya va Rossiya dushman zarbasini qaytardi

Isroil G‘azo sektorida bosqinchilik va qirg‘inbarot urushini boshlaganiga 363 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar G‘azoga hujumlarini kuchaytirdi. Kun davomida ular 5 marta qirg‘in qilishdi, 89 kishi halok bo‘ldi. Urush boshlanganidan buyon 41689 kishi shahid bo‘ldi.

▪️WAFA: Sharqiy Quddusda 2024 yilning uchinchi choragida Isroil hujumlari natijasida sakkiz falastinlik halok bo‘ldi, 304 nafari hibsga olindi va 16138 mustamlakachi Al-Aqso masjidiga bostirib kirdi.

▪️Al-Qassam brigadalari Rafahda Merkava tankini portlatib, ishg‘olga oid harbiy texnikani yo‘q qildi.

▪️Bu tunda bosqinchilar Bayrutning janubiy chekka hududlariga 20 marta zarba berdi. Ulardan biri tez yordam stansiyasiga kelib tushgan. Kun davomida 46 kishi halok bo‘ldi, 85 kishi jarohat oldi.

▪️So‘nggi 24 soat ichida Isroil havo kuchlarining Livanga bergan zarbalari natijasida 46 kishi halok bo‘ldi, 85 kishi yaralandi. 2023 yil 8 oktyabrdan beri Isroilning Livanga qilgan hujumlarida 1928 kishi halok bo‘ldi, yana 9290 kishi yaralandi. Ayni vaqtda 1 million 200 ming kishi o‘qqa tutilishi sababli uyini tark etishga majbur bo‘ldi.

▪️Hizbulloh Livan janubidagi Marun ar-Ras shahri tomon harakatlanayotgan Isroilning 3 tanki boshqariluvchi raketa yordamida yo‘q qilgani, shaharga kirishga uringan isroil piyoda askarlariga hujum qilingani haqida xabar berdi.

▪️Isroil Livanga hujum chog‘ida 8 ta askar halok bo‘lgani va 39 tasi yaralangani haqida xabar berdi. Haqiqiy raqamlar ko‘proq: Hizbulloh bilan jangda 14 dan 35 gacha askar halok bo‘lgan.

▪️Husiylar: Ishg‘ol ostidagi Yafa (ibroniy Tel-Aviv)dagi hayotiy nishonga bir nechta uchuvchisiz uchoqlar bilan hujum qildik, nishonlarga aniq zarba berildi.

▪️Suriya va Rossiya havo hujumidan mudofaa tizimlari Jebla shahri yaqinida dushman zarbasini qaytardi.