Suriya kurd kuchlari Aleppodan chiqishga rozi bo‘ldi

Suriyadagi kurd qurolli tuzilmalari bir necha kun davom etgan qonli to‘qnashuvlardan so‘ng Aleppodagi mahallalardan birini tark etishga rozi bo‘lganini ma’lum qildi.

Aytilishicha, sulh kelishuvi doirasida halok bo‘lgan va yaralangan tinch aholi hamda jangchilar Suriyaning shimoliy va sharqiy hududlariga evakuasiya qilinadi. Kelishuv Suriya hukumat qo‘shinlari bilan AQSh qo‘llab-quvvatlaydigan, kurdlar yetakchiligidagi «Suriya demokratik kuchlari» o‘rtasidagi to‘qnashuvlardan keyin amalga oshirildi.