Suriya Hormuzni chetlab o‘tuvchi dengiz yo‘llari tarmog‘i yaratilishini kutmoqda

Suriya mintaqaviy davlatlardan Hormuz bo‘g‘ozini chetlab o‘tadigan qo‘shma dengiz yo‘llari tarmog‘ini yaratish bo‘yicha amaliy qadamlar kutmoqda.

Bu haqda Suriya transport vaziri Yaarub Bader Damashqda bo‘lib o‘tgan Suriya-Britaniya biznes forumi doirasida e’lon qildi.

Uning ta’kidlashicha, Damashq Suriya portlari va Fors ko‘rfazi davlatlari o‘rtasida yo‘l tarmog‘ini rivojlantirishni foydali deb biladi.

"Biz bunday har bir tashabbusni olqishlaymiz va bu qiziqishning loyihalarga aylanishini kutamiz. Suriya o‘z tarixi davomida Sharq va G‘arbni bog‘lashda muhim rol o‘ynagan", dedi u.

Uning qo‘shimcha qilishicha, Suriya allaqachon mustaqil ravishda avtomobil va temir yo‘l tarmog‘ini rivojlantirmoqda.

Nashr eslatishicha, o‘tgan hafta Suriya bojxona xizmati rahbariyati BAA vakillari bilan Suriya portlari, chegara o‘tish punktlari va erkin iqtisodiy zonalarni rivojlantirish masalalarini muhokama qilish uchun uchrashgan.

The National nashrining xabar berishicha, aprel oyida Suriya, Turkiya va Iordaniya Shimol-Janub transport yo‘lagini rivojlantirishga kelishib olishgan, uni Saudiya Arabistoni temir yo‘llari bilan bog‘lash imkoniyati mavjud.