Bugun 18 noyabr, 2026 yil, chorshanba

КИР

Superligada bugun 22-tur start oladi

Superligada bugun 22-tur start oladi

Bugun, 17 sentyabr kuni O‘zbekiston Superligasida 22-tur bahslariga start beriladi.

Turning dastlabki uchrashuvida "Navbahor" o‘z maydonida Samarqandning "Dinamo" jamoasini qabul qiladi. Bahs soat 18:00 da boshlanadi. Ushbu uchrashuv dastlab 19 sentyabrga belgilangan edi, ammo klublar kelishuvidan so‘ng 17 sentyabrga ko‘chirildi.

21 turdan so‘ng "Neftchi" 48 ochko bilan turnir jadvalida peshqadamlik qilmoqda. "Paxtakor" 46 ochko bilan ikkinchi, "Navbahor" esa 41 ochko bilan uchinchi o‘rinda. "Dinamo" 30 ochko jamg‘argan va 9-pog‘onadan joy olgan.

22-turning qolgan bahslari 19–21 sentyabr kunlari o‘tkaziladi. 19 sentyabrda "Mash’al" — "Paxtakor" va "Bunyodkor" — "Buxoro", 20 sentyabrda "Andijon" — "Nasaf", "Surxon" — "Qo‘qon-1912", "So‘g‘diyona" — OKMK hamda "Lokomotiv" — "Neftchi" uchrashuvlari bo‘lib o‘tadi. Turga 21 sentyabr kuni "Xorazm" — "Qizilqum" bahsi yakun yasaydi.

Superligada bugun 22-tur start oladi

Superligada bugun 22-tur start oladi

Kiritildi: 15:43 17.09.2026. O'qildi: 704 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik