Starship 17 noyabrda uchiriladi

SpaceX kompaniyasi o‘ta og‘ir Starship raketasini uchirish uchun uzoq kutilgan ruxsat olganini eʻlon qildi. U joriy yilning 17 noyabr kuni bo‘lib o‘tadi.

Starship'ning birinchi orbital sinovi 20-aprel kuni bo‘lib o‘tdi. Dvigatel bo‘linmasidagi yong‘in tufayli u avariya bilan yakunlandi, bu esa bir qator dvigatellarning ishdan chiqishiga olib keldi. Shu sababli, ulkan raketa bor-yo‘g‘i 39 km masofani bosib o‘tishga muvaffaq bo‘ldi, shundan so‘ng u boshqaruvni yo‘qotib, nazorasiz aylana boshladi va qulab tushdi.
Starship yo‘qolishidan tashqari, SpaceX yana bir muammoga duch keldi: uchirish maydonchasi sezilarli darajada shikastlangan. Uning beton asosida tom maʻnoda ulkan krater hosil bo‘lgan. Shikastni bartaraf etish uchun kompaniya muhandislariga bir necha oy kerak bo‘ldi.

Sentyabrga kelib SpaceXmutaxassislari Starship'ning yangi nusxasini yig‘ishdi va uchirish maydonchasida bir qator sinovlarni o‘tkazib, tez orada yangi parvozni amalga oshirishga tayyor ekanliklarini eʻlon qilishdi. Biroq, buning uchun kompaniyaga AQSh Federal Aviasiya boshqarmasi (FAA) ruxsati kerak edi.

Natijada SpaceX va FAA qarama-qarshiliklarni bartaraf etishga muvaffaq bo‘ldi va kompaniya Starshipni yana ishga tushirishga ruxsat oldi. U joriy yilning 17-noyabrga belgilangan. O‘ta og‘ir raketa kompaniyaning Texasdagi Starbase sinov maydonchasidan uchiriladi.

Yangi Starshipparvozi birinchi sinov jadvaliga muvofiq amalga oshiriladi. Agar hammasi yaxshi bo‘lsa, Super Heavy kuchaytirgich ajratilgandan so‘ng, qisman qaytish manevrini amalga oshiradi va Meksika ko‘rfaziga qo‘nadi. Starshipning o‘ziga kelsak, u past Yer orbitasiga chiqish va Yer atrofida to‘liq bo‘lmagan orbita qilish uchun etarli tezlikni rivojlantiradi. Gavayi orollari hududida kema dvigatellarini ishga tushiradi va atmosferaga kiradi, shundan so‘ng Kauay orolining shimoli-g‘arbiy qirg‘og‘idan 100 km uzoqlikda okeanga qo‘nadi.