Malayziyada o‘tkazilayotgan “QS Higher Education Summit Asia Pacific - 2023” sammiti doirasida Osiyoning eng yaxshi oliy o‘quv yurtlari reytingi aniqlandi.
Toshkent tibbiyot akademiyasi O‘zbekistondagi tibbiyot oliy o‘quv yurtlari ichida birinchilardan bo‘lib "QS Star Very Good 4" yulduzli oliy ta’lim muassasasiga aylandi.
"QS Stars" reytingi keng qamrovli va jahon miqyosida e’tirof etilgan baholash tizimi bo‘lib, u turli sohalardagi universitetlarni ularning faoliyati haqida umumiy tasavvurni taqdim etish uchun baholaydi. U universitetlarni bir necha muhim yo‘nalishlar, jumladan, o‘qitish sifati (5 yulduz), ishga joylashish (5 yulduz), tadqiqot (4 yulduz), xalqaro hamkorlik (3 yulduz), qulayliklar (3 yulduz), innovasiyalar, inklyuzivlik va boshqalar asosida baholaydi.
