Slovakiya Ukrainadagi mojaroni moliyalashtirmaydi

Slovakiya harbiy mojaroni uzaytirish maqsadida Ukrainani moliyalashtirishda ishtirok etmaydi. Bu haqda Bosh vazir Robert Fiso Anqarada bo‘lib o‘tadigan NATO sammiti oldidan ma’lum qildi.

"Men NATO bosh kotibi Mark Ryutte bilan muloqot o‘tkazdim. Men Slovakiya Ukrainadagi urushni qo‘llab-quvvatlash uchun hech qanday kredit, grant, kafolat yoki biron bir moliyaviy mexanizmning bir qismi bo‘lmasligini aytdim", dedi Slovakiya Bosh vaziri.

Bosh vazir shuningdek, tinchlikka erishish Ukrainaning Yevropa Ittifoqiga qo‘shilishining asosiy sharti ekanligini ta’kidladi.

"Agar biron bir mamlakat harbiy mojaroda bo‘lsa, hech kim uning Yevropa Ittifoqiga qo‘shilishini qo‘llab-quvvatlamaydi. Tinchlik Ukrainaning Yevropa Ittifoqiga qo‘shilishi uchun mutlaq shartdir", dedi Fiso.

U Yevropa Ittifoqining Ukrainadagi mojaroni tugatish bo‘yicha muzokaralarda faol ishtirok etishini qo‘llab-quvvatladi. Yechimga faqat muloqot orqali erishish mumkin.

Slovakiya Bosh vaziri shuningdek, Yevropa Ittifoqi tashqi ishlar vaziri Kaya Kallasni tanqid qildi. "Uning hozirda hamjamiyatga kerak bo‘lgan mojaro tomonlari bilan muloqot olib borishga qodir emasligi aniq", deb qo‘shimcha qildi u.