Словакия Украинадаги можарони молиялаштирмайди

Словакия ҳарбий можарони узайтириш мақсадида Украинани молиялаштиришда иштирок этмайди. Бу ҳақда Бош вазир Роберт Фицо Анқарада бўлиб ўтадиган НАТО саммити олдидан маълум қилди.

"Мен НАТО бош котиби Марк Рютте билан мулоқот ўтказдим. Мен Словакия Украинадаги урушни қўллаб-қувватлаш учун ҳеч қандай кредит, грант, кафолат ёки бирон бир молиявий механизмнинг бир қисми бўлмаслигини айтдим", деди Словакия Бош вазири.

Бош вазир шунингдек, тинчликка эришиш Украинанинг Европа Иттифоқига қўшилишининг асосий шарти эканлигини таъкидлади.

"Агар бирон бир мамлакат ҳарбий можарода бўлса, ҳеч ким унинг Европа Иттифоқига қўшилишини қўллаб-қувватламайди. Тинчлик Украинанинг Европа Иттифоқига қўшилиши учун мутлақ шартдир", деди Фицо.

У Европа Иттифоқининг Украинадаги можарони тугатиш бўйича музокараларда фаол иштирок этишини қўллаб-қувватлади. Ечимга фақат мулоқот орқали эришиш мумкин.

Словакия Бош вазири шунингдек, Европа Иттифоқи ташқи ишлар вазири Кая Калласни танқид қилди. "Унинг ҳозирда ҳамжамиятга керак бўлган можаро томонлари билан мулоқот олиб боришга қодир эмаслиги аниқ", деб қўшимча қилди у.