Sirdaryoda o‘qituvchi 1-sinf o‘quvchisining qo‘liga igna sanchdimi?

Ijtimoiy tarmoqlarda o‘quvchilar igna sanchish bilan jazolanayotgani haqida xabarlar tarqaldi. Holat yuzasidan bolalar ombudsmani izoh berdi.

Aniqlanishicha, 14 oktyabr kuni Andijon viloyati Mirobod tumanida yashovchi E.S. (erkak) IIB ga murojaat qilib, Sirdaryo tumanidagi 27-sonli maktabning 1-sinfida tahsil olayotgan qizi G‘.O. (2017 yilda tug‘ilgan)ni o‘qituvchisi A.G. (ayol) qo‘liga igna sanchgani va hojatxonaga chiqarmasdan ruhiy tazyiq o‘tkazganini bildirgan.

Hozirda tuman IIB tomonidan holat yuzasidan tergovga qadar tekshiruv harakatlari olib borilmoqda.

Jarohat darajasini aniqlash uchun voyaga yetmagan G‘.O.ga nisbatan sud-tibbiyot ekspertizasi tayinlangan.