Bojxona xodimlari tomonidan sifati kafolatlanmagan biologik faol qo‘shimchalar to‘xtatib qolindi
Sirdaryo viloyati bojxona boshqarmasi Kontrabandaga qarshi kurashish bo‘limi tezkor xodimlari tomonidan viloyat IIB JXX YHXB vakillari bilan hamkorlikda Guliston shahri hududida biologik faol qo‘shimchalarni noqonuniy aylanuviga qarshi kurashish bo‘yicha tezkor tadbir o‘tkazildi.
Natijada, oldindan tezkor kuzatuvga olingan “Gentra” rusumli avtotransport vositasi Guliston shahriga kirish ko‘prigi ostida to‘xtatilib, yukxonasi belgilangan tartibda ko‘zdan kechirilganida, xorijda ishlab chiqarilgan va sifatini tasdiqlovchi hech qanday hujjatlari bo‘lmagan qiymati 43 mln. so‘mlik, jami 144 dona “Jenshen” nomli biologik faol qo‘shimchalar borligi aniqlanib, ashyoviy dalil sifatida vaqtincha saqlovga olindi.
Hozirda mazkur holat yuzasidan tergovga qadar tekshiruv harakatlari olib borilmoqda.