Bu haqda respublika hukumati saytida aytilgan. Sammit ertaga ertalab boshlanadi va yakshanba kuni tushdan keyin davom etadi. Unda 100 ta delegasiya, jumladan, butun dunyodan 57 davlat va hukumat rahbarlari ishtirok etadi.
«Ushbu sammitdan maqsad tinchlik jarayonini boshlashdir. Buning uchun mamlakatlarning imkon qadar keng ishtiroki va uchta mavzu: yadroviy va oziq-ovqat xavfsizligi, shuningdek, asirlarni almashish va ukrainalik bolalarni qaytarish bo‘yicha umumiy tushunishni rivojlantirish kerak», — deyiladi matbuot xabarida.
Shveysariya bayonotida bu uchrashuv eng yuqori darajada Rossiyani tinchlik jarayoniga qanday va qachon qo‘shish mumkinligini muhokama qilish uchun birinchi imkoniyat bo‘lishini alohida ta’kidlaydi.
Konferensiyada Yevropa Komissiyasi, Yevroparlament, BMT, YXHT va Yevropa Kengashi kabi 92 mamlakat va sakkiz tashkilot delegasiyalari ishtirok etadi. Ukraina, AQSH, Buyuk Britaniya, Fransiya, Germaniya va boshqa Yevropa davlatlari, Turkiya, Hindiston, Janubiy Afrika, Braziliya, Yaponiya, Meksika, Tailand, BAA va boshqa mamlakatlardan vakillar kelishi kutilmoqda.
Sammit Shveytsariyaning Lyusern shahri yaqinidagi Byurgenstok kurortida bo‘lib o‘tadi.
