Shvesiyaning Erubru shahrida musulmon oilalarning farzandlari tahsil oladigan Alsalamskolan maktabiga o‘t qo‘yildi.
Maktab direktori Husayn Aldaodi SVT telekanaliga bergan intervyusida jinoyatni niqob taqqan ikki noma’lum shaxs amalga oshirganini ma’lum qildi. Ularning maktabga o‘t qo‘yayotgani aks etgan videokuzatuv tasvirlari polisiyaga topshirilgan.
“Ular birinchi qavatning oynasini sindirib, yonuvchan moddani ichkariga otishgan. Hodisa ertalab barvaqt sodir bo‘lgani uchun, yaxshiyamki, maktabda hech kim yo‘q edi”, – dedi Husayn Aldaodi.
Ayni paytda polisiya ushbu hodisa bo‘yicha surishtiruv ishlarini olib bormoqda.
Hodisa natijasida maktabga qanchalik zarar yetgani haqida ma’lum qilinmadi.
