Shvesiyada har yili 530 ga yaqin ayolga bachadon bo‘yni saratoni tashxisi qo‘yiladi. O‘rtacha har uch kunda bir ayol ushbu kasallikdan vafot etadi, deb xabar beradi AZERTADJ.
Shvesiya endi bu saratonni bartaraf etgan dunyodagi ilk davlat bo‘lish imkoniyatiga ega.
Kasallikning asosiy sababi — odam papilloma virusi (OPV). Bu har yili 1100 ga yaqin saraton turlarining rivojlanishiga sabab bo‘ladi, ulardan 500 dan ortig‘i bachadon bo‘yni saratonidir.
Shvesiyada ushbu kasallikning oldini olish uchun keng ko‘lamli emlash dasturi boshlandi.
2025 yilning 30 iyuniga qadar 1994-1999 yillarda tug‘ilgan ayollar OPVga qarshi emlashni bepul olishlari mumkin. Hozirda talab qilingan 70 foizning atigi 59 foiziga erishilgan. 30 iyundan keyin vaksinaning narxi taxminan 6000 shved kronasini (taxminan 550 AQSh dollari) tashkil etadi.
22 may kuni butun mamlakat bo‘ylab bir qator kinoteatrlarda emlash ishlari bo‘lib o‘tadi. Vaksina bepul, emlanganlarga esa bepul kino chiptalari taqdim etiladi.
Ushbu tashabbus Shvesiyaning barcha 21 hududi, Saratonga qarshi kurashish fondi (Cancerfonden), Capio tibbiyot tarmog‘i va Filmstaden kino tarmog‘i tomonidan qo‘llab-quvvatlanadi.
Ba’zi hududlarda 2000-2001 yillarda tug‘ilgan ayollar ham bepul emlanishlari mumkin.
Dollar va yevro keskin ko‘tarildi
Yurtimizda yana bir poraxo‘r amaldor qo‘lga tushdi!
“Keling, shunday kelishaylik: Biz Ukrainada bunday raketalarni ma’lum miqdorda joylashtiramiz"
