7 may kuni Ozarbayjon prezidenti Ilhom Aliyev o‘tgan yilning kuzida Tog‘li Qorabog‘da bo‘lgan harbiy harakatlar natijasida respublika nazoratiga o‘tgan Shusha shahrini mamlakatning madaniy poytaxti deb rasmiy e’lon qilish to‘g‘risida farmonni imzoladi, deyiladi Ozarbayjon prezidentining veb-sahifasi.
«Shusha shahrini Ozarbayjonning madaniy poytaxti deb e’lon qilish», deyiladi hujjatda.
Ushbu farmon Shusha shahrining tarixiy qiyofasini va avvalgi shon-shuhratini tiklash, shuningdek «uni xalqaro maydonda Ozarbayjonning boy madaniyati, me’morchiligi va yorqin marvaridi sifatida» targ‘ib qilishga qaratilgan.
