Shotlandiyada Navro‘z bayrami nishonlandi

Shotlandiyaning Aberdin shahrida Navro‘z bayrami nishonlandi.

Bu haqda Aberdeen Business News nashri xabar bermoqda.

Shahar bahorning kirib kelishini Navro‘z bayramini tantanali nishonlash bilan qarshi oldi.

Nashr 2006 yildan buyon muntazam o‘tkazib kelinayotgan ana shunday bayramlar shahar an’analarining ajralmas qismiga, madaniyatlararo muloqotni mustahkamlashning muhim platformasiga aylanganini ta’kidlaydi.

Navro‘z yangilanish, tabiatning uyg‘onishi va yorug‘likning zulmat ustidan g‘alaba qozonishi ramzidir. Har yili Aberdindagi bayramlar ko‘lami kengayib, turli millat vakillarini o‘ziga jalb etib, o‘zaro tushunish va do‘stlikni rag‘batlantirmoqda, deb yozadi Aberdeen Business News.

Bu safar bayram Beach Ballroom zalida bo‘lib o‘tdi, u erda boy madaniy dastur namoyish etildi. Tadbir mehmonlari an’anaviy raqs raqamlari, yosh ishtirokchilarning she’riy chiqishlari, shuningdek, jonli musiqadan bahramand bo‘lib, bayramona muhit yaratdilar. Tashrif buyuruvchilar uchun madaniy merosni targ‘ib qilish maqsadida interfaol ko‘ngilochar tadbirlar tashkil etildi.

"Navro‘z nafaqat bahor bayrami, balki madaniy an’analarni asrab-avaylashning muhim elementidir. Qayerda yashashimizdan qat’i nazar, bu qadriyatlarni kelajak avlodlarga yetkazish biz uchun muhim. Bu kabi tashabbuslar o‘zlikni mustahkamlash va tarixiy ildizlarni asrab-avaylashda g‘oyat muhim", - deydi tashkilotchilar.