O‘zbekiston terma jamoasi hujumchisi va sardori Eldor Shomurodovning goli 2026 yilgi jahon chempionatida eng chiroyli gol uchun da’vogarlar ro‘yxatiga kiritildi. Bu haqda Xalqaro futbol assosiasiyasi federasiyasi (FIFA) rasmiy saytida ma’lum qilindi.
Eslatib o‘tamiz, Eldor Shomurodov Kongo DR terma jamoasiga qarshi o‘yinda raqib darvozasini ishg‘ol etgan edi. Ushbu bahsda afrikaliklar 3:1 hisobida g‘alaba qozongan.
FIFA jahon chempionati doirasida urilgan eng yaxshi 12 ta golni saralab oldi, muxlislar ovoz berish jarayoni 48 soat davom etadi. Ro‘yxatdan argentinalik Xulian Alvares va Lionel Messi (mos ravishda Shveysariya va Aljirga qarshi o‘yinlarda), ingliz Jud Bellingem (Fransiyaga qarshi), norvegiyalik Erling Xoland (Braziliyaga qarshi), fransuz Kilian Mbappe (Senegalga qarshi), shuningdek, ispaniyalik Ferran Torresning (Argentinaga qarshi final uchrashuvida) gollari ham joy olgan.
Jahon chempionati 19 iyul kuni yakunlandi. Finalda Ispaniya terma jamoasi qo‘shimcha daqiqalarda Argentina jamoasini 1:0 hisobida mag‘lub etib, musobaqa g‘olibi bo‘ldi.
Husanovning do‘sti rekord narxga transfer qilindi
Behruz Karimov — "Lugano" futbolchisi!
Fabio Kannavaro: "Terma jamoani yoshartirish ishlarini olib boramiz"
