Shaxmat: rapid bo‘yicha jahon chempionatida o‘zbekistonliklar qancha ishlab oldi?

Joriy yilning 27-29 dekabr kunlari bo‘lib o‘tgan shaxmatning rapid yo‘nalishi bo‘yicha jahon chempionatining so‘nggi 11-turida Katerina Lagno bilan durang o‘ynagan Afruza Hamdamova 8 ochko bilan ayollar o‘rtasida 7-o‘rinni egalladi va 22.5 ming AQSh dollari pul mukofotini qo‘lga kiritdi.

Shu tariqa Hamdamova rapid bo‘yicha +218 reyting ochkolarini ham qo‘shib olib, hozirgi reytingini 2406 ga yetkazdi.

Rapid bo‘yicha jahon chempionati yakunlari bo‘yicha o‘zbekistonlik erkak shaxmatchilarining natijalari esa quyidagicha:

• 6-o‘rin — Javohir Sindarov 9 ochko bilan 28.5 ming AQSh dollari;
• 27-o‘rin — Nodirbek Abdusattorov 8 ochko bilan 4.3 ming AQSh dollari;
• 48-o‘rin — Jahongir Vahidov 7.5 ochko;
• 86-o‘rin — Muhiddin Madaminov 7 ochko;
• 131-o‘rin — Shamsiddin Vohidov 5.5 ochko.