O‘zbekiston Respublikasi Prezidenti Shavkat Mirziyoyev Parijga yetib kelishi bilan ishni boshladi va ayni paytda Fransiya taraqqiyot agentligi rahbariyati bilan uchrashuv o‘tkazmoqda.
Muzokaralar yakunida umumiy qiymati 1 milliard yevrodan ziyod bo‘lgan "yashil" iqtisodiyot va xususiy sektor loyihalarini amalga oshirish ko‘zda tutilgan 2025 yilgacha strategik hamkorlik dasturi qabul qilinishi kutilmoqda.
Uchrashuvda davlat-xususiy sheriklik mexanizmlarini joriy qilishga alohida e’tibor qaratilmoqda.
