Janubiy Koreya milliy razvedka xizmati 9 yanvar kuni Kursk viloyatida Shimoliy Koreyaning ikki askari qo‘lga olinganini tasdiqladi. Mahbuslardan biri ukrainalik tergovchilar tomonidan so‘roq paytida Rossiya Federasiyasiga noyabr oyida kelganini va Rossiya qo‘shinlarida harbiy tayyorgarlikdan o‘tganini aytdi, deb xabar bermoqda Yonhap axborot agentligi.
Asirga olingan askar, shuningdek, Shimoliy Koreya askarlari Rossiya tomonida Ukrainaga qarshi urushda qatnashish chog‘ida “katta yo‘qotishlarga uchraganini” tan oldi. Bundan tashqari, Janubiy Koreya milliy razvedka xizmati Ukrainadan olingan ma’lumotni tasdiqladi, KXDR askari dastlab Rossiya Federasiyasiga harbiy mashg‘ulot sifatida yuborilgan deb hisoblangan va kelganidan keyingina u jangovar hududga jo‘natilayotganini tushungan. Shimoliy Koreyaning ikki askaridan biri asirga olinishidan oldin “to‘rt-besh kun davomida ovqat va suv olmagan”, deyiladi Janubiy Koreya milliy razvedka xizmati hisobotida.
Ukraina prezidenti Vladimir Zelenskiy 11 yanvar kuni Shimoliy Koreyaning ikki askari qo‘lga olinganini ma’lum qildi. Uning so‘zlariga ko‘ra, Kiyevga olib kelingan mahbuslar “SBU tergovchilari bilan muloqot qilishadi”. Zelenskiy Pxenyan askarlarini qo‘lga olish oson ish bo‘lmaganini ta’kidladi: “Odatda ruslar va boshqa Shimoliy Koreya askarlari yaradorlarni tugatishadi va Ukrainaga qarshi urushda boshqa davlatning ishtiroki haqida hech qanday dalil qolmasligi uchun hamma narsani qiladilar”.
Rossiyada o‘lganlar soni rekordmi?
Menga qancha pensiya chiqar ekan? yoki bo‘lajak pensionerlarga tavsiyalar
Yulduz Usmonova falastinlik bolalar va ayollarga 4 ta uy sovg‘a qildi
