Sayyidlarni “qora”larga uzatib bo‘lmaydimi?

— Sayyid (eshon) va xo‘jalar avlodidan bo‘lgan qizlarni “qora”larga uzatib bo‘lmaydi, qon bilan suyak aralashib ketmasligi kerak, deyishadi. Biz tomonlarda mana shu aqidaga qattiq amal qilishadi. Bu xususda biror dalil kelganmi?

— Bu asossiz gap. Qur’onda ham, hadisda ham bunday gap kelmagan. Rasululloh sollallohu alayhi vasallamning qiz va nabiralari turmushga chiqayotganlarida bunday shartlar qo‘yilmagan. O‘sha sayyid, eshon va xo‘jalikni da’vo qilayotganlar undan ko‘ra sunnatni o‘rniga qo‘yib amal qilishsin. Vallohu a’lam.

Odinaxon Muhammad Sodiq