Saudiya Arabistonida sodir bo‘lgan YTH oqibatida 42 nafar hindistonlik ziyoratchi halok bo‘ldi

India Today xabariga ko‘ra, avtobus Makkadan Madinaga ketayotganda dizel sisternasi bilan to‘qnashib ketgan.

To‘qnashuv juda kuchli bo‘lgani sabab bir qancha ziyoratchi voqea joyida hayotdan ko‘z yumgan, boshqalari og‘ir ahvolda shifoxonaga yotqizilgan.

Hindiston hukumati fojiadan qattiq qayg‘uga tushganini bildirib, Saudiyadagi elchixona va konsulxona jabrlanganlar hamda ularning yaqinlariga barcha zarur yordamni ko‘rsatayotganini ma’lum qildi.