Saudiya Arabistoni terma jamoasi 2026 yil AQSH, Meksika va Kanada maydonlarida o‘tadigan Jahon chempionatiga yo‘llanma olgani evaziga katta miqdorda bonus oladi. Masrawy nashri bergan ma’lumotga ko‘ra, terma jamoaning har bir futbolchisiga 5 million saudiya riali (1,25 million yevro) miqdorida mukofot beriladi.
Saudiya Arabistoni JCh saralashi 4-bosqichi doirasida Iroq va Indoneziya bilan kuch sinashdi. Yakunda 4 ochko to‘plagan Erve Renar boshchiligidagi jamoa to‘plar farqi evaziga Iroqni ortda qoldirib, mundial ishtirokchisiga aylandi. Ikki o‘yinda ham mag‘lubiyatda uchragan Indoneziya esa so‘nggi pog‘onani egalladi.
Shu tariqa, OFKdan yo‘llanma olgan jamoalar nomi 8 taga yetdi: Yaponiya, Eron, Janubiy Koreya, Iordaniya, Avstraliya, O‘zbekiston, Qatar hamda Saudiya Arabistoni.
Ma’lumot uchun, 2026-yilgi Jahon chempionati tarixda ilk bor 48 ta jamoa ishtirokida o‘tkaziladi. Turnir 11 iyundan 19 iyulgacha AQSH, Kanada va Meksika maydonlarida bo‘lib o‘tadi. Musobaqaga qur’a tashlash marosimi joriy yilning 5 dekabr kuni AQShning Vashington shahridagi Kennedi markazida bo‘lib o‘tadi.
Yurgen Klopp "Real"ga qanday talablar qo‘ygani ma’lum bo‘ldi
«London Chess Classic». Nodirbek Abdusattorov ketma-ket oltinchi g‘alabaga erishdi va g‘oliblikka juda yaqin turibdi
Rasman. JCH-2026 qur’a natijalari ma’lum: O‘zbekiston Portugaliyaning guruhidan o‘rin oldi
