Sarkisyan: «Tramp Armanistonga bosim o‘tkazishni boshlashi mumkin»

«Donald Tramp ma’muriyati uchun Ukraina va Eron yo‘nalishi muhim bo‘ladi va ular biz uchun ham muhim bo‘lishi aniq, chunki bu bizga bilvosita ta’sir ko‘rsatadi». Bu haqda arman siyosatshunosi Suren Sarkisyan «Gruziya, AQShdagi saylovlar, Ukraina mojarosining Armaniston xavfsizligiga ta’siri» muhokamasida ma’lum qildi.

«Eng yomon ssenariy shundaki, Rossiya bilan munosabatlar normallashmaydi, boshqa tomondan, ular Eronga, shu jumladan bizga ham kuchli bosim o‘tkazishni boshlaydi. Aytaylik, ular shunday deyishadi: bilasizmi, siz Eron bilan tovar aylanmasini qisqartirishingiz kerak, bu bizning iqtisodiyotimiz uchun halokatli bo‘lishi mumkin, bu eng yomon ssenariy.

Biroz yaxshiroq ssenariy - bu Tramp Eron va Isroil bilan til topisha boshlashi bo‘lardi, buning ehtimoli kam. Bu ssenariy uning tinchlik keltirishi haqidagi va’dalarini hisobga olgan holda mavjud bo‘lishi mumkin. Aytgancha, u Obama bilan bu borada raqobatlashmoqda, chunki u Obama kabi Nobel mukofotini olishni istaydi,» - dedi siyosatshunos.