Joriy yilning 7 dekabr kuni soat 10:00larda, Samarqand viloyati, Pastdarg‘om tumani hududidan o‘tuvchi 4R46 avtomobil yo‘lining 28-kilometrida, haydovchi, 1982 yilda tug‘ilgan A.U. "Vaz-2103" rusumli avtomobilni Kattaqo‘rg‘on yo‘nalishi bo‘ylab boshqarib ketayotgan vaqtida, avtomobilning dvigatel qismida yong‘in yuzaga kelgan.
Yong‘in o‘t o‘chiruvchilar tomonidan bartaraf etilgan. Yong‘in natijasida tan jarohati olganlar yo‘q.
Mazkur hodisa yuzasidan Pastdarg‘om tumani IIB YHXB va FVB xodimlari tomonidan surishtiruv ishlari olib borilib, yong‘in yuzaga kelish sabablariga aniqlik kiritilmoqda.
