Samarqandda yashovchi hisobchi hujjatlarni soxtalashtirib, o‘zi ishlagan MJChning pullarini o‘margan. Bu haqida Bosh prokuratura departamenti ma’lum qildi.
Aniqlanishicha, Samarqand shahrida joylashgan "Ph.l." MCHJning hisobchisi B.M. bank elektron kalitlaridan foydalanib, MCHJning 6,4 mlrd so‘mini o‘zining plastik kartasiga o‘tkazgan.
Bu pullarni u onlayn qimorda yutqazgan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
