Samarqand shahridagi ko‘p qavatli uylarda 1,9 mlrd so‘mlik tabiiy gazdan noqonuniy foydalanish holati aniqlandi

O‘zenergoinspeksiya Samarqand viloyat hududiy boshqarmasi, viloyat prokuraturasi va gaz ta’minoti korxonasi hamkorligida o‘tkazilgan nazorat tadbirida Samarqand shahrida “S. C. L.” MCHJga qarashli ko‘p qavatli uy binosi loyiha hujjatlari rasmiylashtirmasdan tarmoqqa to‘g‘ridan-to‘g‘ri ulanib, tabiiy gazdan noqonuniy foydalanib kelayotganligi aniqlandi.

Ushbu qoidabuzarlik natijasida dastlabki hisob-kitoblarga ko‘ra gaz ta’minoti korxonasiga 1 milliard 992 million so‘mlik zarar yetkazilganligi ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.