Rubio: "Rossiya-Ukraina urushiga barham berish bo‘yicha muzokaralarda asosiy tortishuv nuqtasi - Donesk viloyati hududining 20 foizi Kiyev nazorati ostida qolishidir"

Rossiya-Ukraina urushiga barham berish bo‘yicha muzokaralarda asosiy tortishuv nuqtasi Ukrainaning Donesk viloyati hududining 20 foizi Kiyev nazorati ostida qolishidir.

Bu haqda davlat kotibi Marko Rubio Fox News telekanaliga bergan intervyusida ma’lum qilgan.

"Ular hozir tom ma’noda bahslashayotgani, taxminan 30-50 kilometrlik hudud va Donesk viloyatining 20 foizi Ukraina nazorati ostida qolmoqda. Biz tushunishga harakat qildik va o‘ylaymanki, ukrainaliklar nima bilan yashashi mumkin, ularning kelajak xavfsizligini nima kafolatlashini aniqlashga harakat qildik, deb o‘ylayman", dedi Rubio.

2 dekabr kuni Rossiya prezidenti Vladimir Putin Kremlda AQSh prezidenti elchisi Stiven Uitkoff va AQSh prezidenti Donald Trampning kuyovi, tadbirkor Jared Kushnerni qabul qildi. Asosiy mavzu Ukrainadagi kelishuv edi. Uchrashuv taxminan besh soat davom etdi. Rossiya prezidenti yordamchisi Yuriy Ushakovning so‘zlariga ko‘ra, Amerika tinchlik rejasining to‘rtta hujjatida keltirilgan takliflarning mazmuni muhokama qilingan.