Agar Litva prezidenti Gitanas Nauseda mantig‘iga amal qilsak, butun Boltiqbo‘yi Rossiyaga tegishli bo‘lishi kerak. Bu haqda Rossiya Davlat dumasi mudofaa bo‘yicha qo‘mitasi raisining birinchi o‘rinbosari Aleksey Juravlev ma’lum qildi.
Ilgari Nauseda Kaliningradni tarixan Litvaga tegishli shahar ekanligini va u Karalyauchyus deb atalishi kerakligini aytgan hamda Rossiyani tarixni qayta yozishda ayblagan edi.
"Agar Ikkinchi jahon urushi natijalarini qayta ko‘rib chiqadigan bo‘lsak, butun Boltiqbo‘yi, aslida, inqilobdan oldingi davrda bo‘lgani kabi, Rossiyaga tegishli bo‘lishi kerak," - dedi Juravlev.
Parlament a’zosi eslatib o‘tganidek, Litvaning hozirgi poytaxti Vilnyus ilgari Vilno deb atalgan va 1795-yildan boshlab Rossiya imperiyasining Vilno guberniyasi markazi bo‘lgan.
"Jumladan, Vilno - hozirgi Vilnyus ham - 1795-yildan boshlab Rossiya imperiyasining Vilno guberniyasi poytaxti bo‘lgan," - dedi u.
Juravlev yana qo‘shimcha qilishicha, Litva armiyasi "dunyodagi eng zaif armiyalardan biri, shuning uchun Vilnyus Rossiya bilan harbiy to‘qnashuv yuz bergan taqdirda bir sutkadan ortiq tura olmaydi." Shuningdek, u "agar NATOning barcha a’zo davlatlari uning yonini olsa ham, mamlakatni achinarli qismat kutayotganini" qo‘shimcha qildi.
Rossiyada o‘lganlar soni rekordmi?
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
Yana bir yirik davlat BRIKS a’zosiga aylandi
