Rossiyalik mashhur bloger Ilya Varlamovga nisbatan jinoiy ish qo‘zg‘atildi.
Bu haqda Rossiya Federasiyasi Tergov qo‘mitasi xabar bermoqda.
Bloggerga nisbatan Rossiya Federasiyasi Jinoyat kodeksining 330.1-moddasi 2-qismi (Rossiya Federasiyasining xorijiy agentlar to‘g‘risidagi qonun hujjatlarida nazarda tutilgan majburiyatlarni bajarishdan bo‘yin tovlash) bo‘yicha jinoiy ish qo‘zg‘atilgan.
Varlamov 2 yilgacha qamoqqa olinishi mumkin.
2023 yil mart oyi oxirida Rossiya Federasiyasi Adliya vazirligi Varlamovni xorijiy agentlar reestriga kiritdi. Boshqarmada aytilishicha, u davlat organlari tomonidan qabul qilingan qarorlar va ular olib borayotgan siyosat to‘g‘risida yolg‘on ma’lumotlar tarqatgan va xorijiy manbalardan yordam olgan.
