Rossiyaga qarshi sanksiyalarning "100 ta paketi"

Shvesiya tashqi ishlar vaziri Mariya Malmer Stenergard AQShning Ukraina bo‘yicha yangi tinchlik rejasi haqidagi xabarlarni "mish-mish" deb atadi.

"Muzokaralar olib borilayotgani haqida mish-mishlar paydo bo‘lishi bilan odamlar diqqatini yo‘qotadi. Shu paytgacha bu bizga natija bermadi. Shuning uchun mening vazifam [G‘arb] davlatlari Rossiyaga bosim o‘tkazishda davom etishini va Ukrainani qo‘llab-quvvatlashni oshirishini ta’minlashdan iborat deb hisoblayman, chunki bu haqiqatan ham sulh tuzish imkoniyatini oshirishi mumkin," - dedi Stenergard Politico nashriga bergan izohida.

Uning so‘zlariga ko‘ra, Yevropa Ittifoqi davlatlari go‘yoki Rossiya neftini tashiydigan kemalarga qarshi qo‘shimcha sanksiyalar joriy etishi, shuningdek, Rossiya kompaniyalariga bosimni kuchaytirishi mumkin. "Men 100 ta sanksiya paketini ko‘rishni istardim," - dedi vazir.

Oktyabr oyida Yevropa Ittifoqi Rossiyaga qarshi sanksiyalarning 19-paketini rasman tasdiqladi. Noyabr oyida moliyaviy xizmatlar, iqtisodiy ittifoq va investisiyalar bo‘yicha yevrokomissar Mariya Luish Albukerke Bryussel yangi, 20-sanksiyalar paketini tayyorlayotganini aytdi.