Rossiya Federasiyasining Arxangelsk viloyatidagi Novaya Zemlya arxipelagidagi markaziy poligon zarurat tug‘ilganda yadroviy sinovlarni qayta boshlashga tayyor, dedi uning rahbari Andrey Sinitsin «Rossiyskaya gazeta»ga bergan intervyusida.
«Sinov maydoni to‘liq miqyosdagi test sinovlarini davom ettirishga tayyor. To‘liq tayyor. Laboratoriya sinov qurilmasi tayyor. Xodimlar tayyor. Agar buyruq kelsa, istalgan vaqtda sinovni boshlaymiz», dedi u.
Sinitsinning so‘zlariga ko‘ra, poligonda potensial dron hujumlarini qaytarish uchun muntazam mashg‘ulotlar o‘tkaziladi va ob’ektning o‘zi elektron urush tizimlari bilan qoplangan.
«Biz har xil turdagi tahdidlarni qaytarishga doimo tayyormiz. Jumladan, orolga sabotaj va razvedka guruhlarining kirib kelishi», - deya tushuntirdi u.
O‘tgan shanba kuni deputat Andrey Kolesnik Rossiya poligonida yadroviy bombani portlatishni taklif qildi va bu kabi qurollar tahdidini dunyoga eslatdi.
17 sentyabr kuni Novaya Zemlya poligonining tashkil topganiga 70 yil to‘ldi. U yerda 1954 yildan 1990 yilgacha yuzdan ortiq yadroviy sinovlar o‘tkazilgan, bu SSSR tomonidan amalga oshirilgan barcha yadroviy portlashlar kuchining 94 foizini tashkil etgan.
SSSR parchalanganidan keyin Rossiya yadro sinovlarini o‘tkazmadi.
