Rossiya va Ukraina: Qatar qay biriga chinakam do‘st?

Bu yil Rossiya va Ukraina o‘rtasidagi maslahatlashuvlarda vositachi bo‘lgan Kremlning Yaqin Sharqdagi eng yaqin ittifoqchilaridan biri Kiyevga qurol yetkazib berishga qo‘shilishga qaror qildi.

Qatar Germaniya hukumati bilan kelishuv doirasida Ukraina Qurolli kuchlariga 24 ta PzH 2000 rusumli o‘ziyurar gaubisalarni topshiradi, deb xabar bermoqda Bild vaziyatdan xabardor manbalarga tayanib.

Agentlik suhbatdoshlarining so‘zlariga ko‘ra, Qatar armiyasi mavjud nemis gaubisalari parkining yarmini Ukraina Qurolli kuchlariga o‘tkazadi va buning evaziga Berlindan yangi mashinalar partiyalarini oladi. Gap Qatar umumiy qiymati 100 million yevro bo‘lgan qurol-yarog‘ bitimi doirasida oladigan zamonaviy RCH 155 g‘ildirakli gaubisalari haqida bormoqda.

Ukraina uchun gauitsalar dastlab Germaniyada ta’mirlanadi, deb yozadi Bild. Ularni kompleks modernizasiya qilish dasturi Ukraina Qurolli Kuchlari ehtiyojlariga muvofiq dasturiy ta’minotni yangilash va o‘zgartirishlarni o‘z ichiga oladi va jarayon Germaniyaning eng yirik mudofaa konsernlari - KMW va Rheinmetall tomonidan nazorat qilinadi.

Rossiya rasmiylari bir necha bor Qatarni Rossiyaning Yaqin Sharqdagi «strategik» va «asosiy» hamkori deb atagan. 2016 yilda Qatar suveren jamg‘armasi (QIA) Rosneft aksiyalarining deyarli 20 foizini 10 milliard dollarga sotib oldi, bu Rossiya iqtisodiyoti va budjetini Qrimning anneksiya qilinishi va neft narxining qulashi sababli yuzaga kelgan inqirozdan de-fakto saqlab qoldi. Shartnoma tuzilgandan so‘ng Rossiya prezidenti Vladimir Putin QIA ijrochi direktori va qirollik oilasi a’zosi Abdulla bin Ol-Tani «Do‘stlik» ordeni bilan taqdirladi. O‘sha yili Qatar fondi Pulkovo aeroportining boshqaruv kompaniyasi bo‘lgan Northern Capital Gateway konsorsiumining 25% ulushini sotib oldi.