Rossiya va AQSh musodara qilingan ob’ektlarni qaytarish bo‘yicha muzokaralarni boshladi

Rossiya va AQSh vakillari Amerika hududida amalda musodara qilingan oltita Rossiya diplomatik mulkiga kirishni ta’minlash bo‘yicha muzokaralarni boshladi.

Bu haqda Rossiyaning Vashingtondagi elchisi Aleksandr Darchiyev "TASS"ga bergan intervyusida ma’lum qildi.

Uning so‘zlariga ko‘ra, oltita diplomatik mulkni qaytarish bo‘yicha muzokaralar jarayoni allaqachon boshlangan. Ular 2016-2018 yillarda AQSh rasmiylari tomonidan musodara qilingan, deya ta’kidladi Darchiyev.

Elchining qo‘shimcha qilishicha, Amerika tomoniga real muddatlarni ko‘rsatuvchi “yo‘l xaritasi” berilgan va Rossiya diplomatik missiyasi vakillariga tekshiruv o‘tkazish va yetkazilgan zararni baholash uchun ushbu ob’ektlarga kirishni ta’minlash talabi berilgan.