"Bu organing faoliyati va qarorlari biz uchun mutlaqo hech qanday kuchga ega bo‘lmaydi. Har qanday davlatning unga qo‘shilishini biz dushmanona harakat sifatida baholaymiz. Bu harakat mojaroni hal qilishga emas, balki Ukrainani o‘rab turgan hozirgi inqirozni yanada chuqurlashtirishga qaratilgan deb hisoblaymiz. Bunday “buyurtma sud” mexanizmlariga nisbatan Rossiya qonunchiligida belgilangan cheklovchi choralar qo‘llaniladi", — dedi Rossiya Tashqi ishlar vazirligi rasmiy vakili Mariya Zaxarova brifingda.
Ukraina Prezidenti Volodimir Zelenskiy va Yevropa Kengashi bosh kotibi Alen Berse 25 iyun kuni Ukrainaga qarshi tajovuz jinoyatlarini tergov qilish bo‘yicha Maxsus tribunal tuzish to‘g‘risida kelishuv imzolagan edi. Xabar berilishicha, maxsus tribunal odatda shaxsiy daxlsizlik immuniteti bilan himoyalangan davlatning yuqori rahbariyatiga nisbatan tergov o‘tkazish imkonini beradi. Bu holatda gap Rossiya rahbariyati haqida bormoqda. Shu bilan birga, sud jarayonini boshlash va Rossiya rasmiylariga hukm chiqarish faqat ular lavozimini tark etganidan keyin mumkin bo‘ladi.
Dollar kursi yana keskin «quladi»
Isroil Eron bilan urush tugaganini rasman e’lon qildi
Eron Isroilni mag‘lubiyatga uchratganini ma’lum qildi
