AQSh ma’muriyati Rossiya qo‘shinlarining Ukraina sharqi va Donbassdagi taktik muvaffaqiyatlarini tan oladi. Bu haqda Oq uy Milliy xavfsizlik kengashining strategik aloqalar bo‘yicha koordinatori Jon Kirbi ma’lum qildi.
“Rossiya Ukraina sharqida, ayniqsa Donbassda taktik muvaffaqiyatlarga erishdi”, dedi u brifingda.
Kirbi mavjud vaziyatni Kongresmenlar Ukrainaga yordam paketini qabul qilish qarorini ko‘rib chiqish uchun juda uzoq, deyarli olti oy vaqt talab qilgani, natijada, uning so‘zlariga ko‘ra, Rossiya ustunlikka erishganligi bilan izohladi.
