Rossiya Turkiyada bo‘lib o‘tadigan Zelenskiy va Uitkoffning uchrashuvida ishtirok etmaydi

Bu haqda Kreml matbuot kotibi xabar berdi.

Dmitriy Peskovning so‘zlariga ko‘ra, bu muzokaralar hozirda Rossiya ishtirokisiz amalga oshirilmoqda.

"Rossiya muzokarachilari hali Turkiyaga bormayapti. Vladimir Zelenskiy va AQSh prezidentining maxsus vakili Stiv Uitkoff ertaga uchrashishni rejalashtirmoqda", — dedi Kreml vakili.

Avvalroq, Reuters AQSh prezidentining maxsus vakili Stiv Uitkoff 19 noyabr kuni Turkiyaga tashrif buyurishi va Ukraina prezidenti Vladimir Zelenskiy bilan muzokaralarda ishtirok etishi haqida ma’lum qilgan edi.