Ukraina hukumati sharqdagi Pokrovsk shahri aholisini Rossiya qo‘shinlari yaqinlashayotgani sababli evakuasiya qilish uchun qolgan vaqti haqida ma’lum qilib, «bir-ikki hafta, undan ortiq emas» deya ogohlantirdi.
Viloyat gubernatori Vadim Filashkinning hisob-kitoblariga ko‘ra, shahar va uning atrofidagi aholi punktlarida 50 mingga yaqin tinch aholi, jumladan, 4000 nafari bolalar qolmoqda.
Uning so‘zlariga ko‘ra, rasmiylar kuniga kamida 1000 kishini evakuasiya qilish imkoniyatiga ega, ammo hozirda kuniga atigi 500-600 kishi tark etmoqda.
«Frontdagi vaziyat juda og‘ir», dedi u va bolali oilalarni majburiy evakuasiya qilish boshlanganini qo‘shimcha qildi.
Rossiya kuchlari bir necha oydan beri Donetsk viloyatidagi muhim avtomobil va temir yo‘l markazi bo‘lgan Pokrovsk tomon asta-sekin bostirib kelmoqda. O‘tgan hafta holatiga ko‘ra, ular shahardan atigi 10 kilometr (olti milya) uzoqlikda edi, deydi rasmiylar.
«Pokrovsk yo‘nalishida og‘ir janglar davom etmoqda», — deb yozdi Ukraina bosh qo‘mondoni Aleksandr Sirskiy Telegram’da.
«Mudofaa kuchlari ham Toretskni himoya qilish uchun barcha zarur ishlarni qilmoqda», - dedi general Sirskiy.