Bu haqda BBC xabar bermoqda.
Rossiya Tashqi ishlar vazirligining ma’lum qilishicha, diplomatik vakolatxona Varshavaning Gdanskdagi Rossiya konsulligini yopish qaroriga javoban 30 dekabr kuni faoliyatini to‘xtatadi.
Shu tariqa, Rossiyada Polshaning faqat Moskvadagi elchixonasi qoladi.
BBC'ning yozishicha, Gdanskdagi Rossiya konsulligining yopilishiga sabab Polsha temir yo‘llaridagi qo‘poruvchilik harakati bo‘lib, Varshava bunga Rossiya maxsus xizmatlarini aloqador deb hisoblaydi.
Joriy yil avgust oyida Rossiya TIV Polshaning Krakovdagi Rossiya konsulligi faoliyatini to‘xtatganidan so‘ng, Kaliningraddagi Polsha konsulligini yopish haqida qaror chiqargandi.
O‘sha paytda Krakovdagi diplomatik vakolatxonaning yopilishiga 2024 yilda Varshavada sodir bo‘lgan savdo markazidagi yong‘in voqeasi sabab bo‘lgandi. Polsha hukumati bu ishga ham Rossiya maxsus xizmatlari aloqador deb hisoblaydi.
Kaspiy dengizi ikkiga ajralishi mumkin
O‘zbekiston bo‘ylab sovuq antisiklon va inversiya uzoqroq davom etadi
Toshkent viloyati va Toshkent shahrida "erfurushlar" qo‘lga tushdi
