Rossiya Kiyev viloyatiga dronlar yordamida hujum qildi

30 noyabr, shanbadan yakshanbaga o‘tar kechasi Rossiya Kiyev viloyatiga dronlar yordamida hujum qildi, natijada bir kishi halok bo‘ldi, olti kishi jarohatlandi.

Bu haqda Kiyev viloyati polisiya boshqarmasi boshlig‘i Nikolay Kalashnik ma’lum qildi.

Unga ko‘ra, hujum ortidan Vishgoroddagi ko‘p qavatli uyda yong‘in chiqqani aniqlangan. Voqea joyida qutqaruvchilar, polisiya va shifokorlar ishlamoqda.

"Kiyev viloyatida dushmanning uchuvchisiz uchoqlarining navbatdagi hujumi. Odamlarning uylariga zarba berildi. Xususiy uy ham vayron bo‘ldi, sanoat ob’ektida yong‘in sodir bo‘ldi. Batafsilroq ma’lumot keyinroq ma’lum bo‘ladi. Havo hujumi haqida ogohlantirish hali ham amalda”, - deya ta’kidladi Kalashnik.

Qutqaruvchilar ma’lumotlariga ko‘ra, hujum oqibatida bir kishi halok bo‘lgan, olti kishi jarohatlangan. Xususiy uylar ham yonib, vayron bo‘lgani, to‘xtab turgan mashinalarga zarar yetgani xabar qilingan. Shahardagi sanoat ob’ektlaridan birida yong‘inni o‘chirish ishlari davom etmoqda.