“Hamma narsa yo‘q qilinsin” — Tramp bayonotidan so‘ng Venesuela ustida parvozlar taqiqlandi

AQSh prezidenti Donald Tramp Venesuela ustidagi havo hududini yopilganini e’lon qildi.

U Truth Social ijtimoiy tarmog‘ida: "Barcha aviakompaniyalar, uchuvchilar, giyohvand moddalar va odam savdosi bilan shug‘ullanuvchilar e’tiborga oling: Venesuela ustidagi va uning atrofidagi havo hududi to‘liq yopilgan", deb yozdi.

Bundan oldin The Washington Post gazetasi Pentagon rahbari Pit Xegset AQSh Venesuela qirg‘oqlari yaqinidagi "giyohvand moddalar savdogarlari" bo‘lgan kemalarga zarba berayotganda "hamma narsani yo‘q qilish" buyrug‘ini berganini xabar qilgan edi.