Rossiya 3 oy ichida portlarga qariyb 60 marta hujum qildi.
Ukraina bosh vaziri o‘rinbosari Oleksiy Kulebaning so‘zlariga ko‘ra, Rossiya so‘nggi uch oy ichida Ukraina port infratuzilmasiga qariyb 60 marta hujum qilgan va bunday hujumlarni kuchaytirmoqda.
« Ushbu hujumlardan maqsad eksport salohiyatimizni pasaytirishdir. Gap dunyoning Ukraina doniga bevosita bog‘liq bo‘lgan qismlarida ataylab oziq-ovqat inqirozini keltirib chiqarish haqida ketmoqda», - dedi u.
Kulebaning so‘zlariga ko‘ra, Rossiya zarbalari natijasida 300 ga yaqin port infratuzilmasi ob’ektlari, 177 ta avtomobil va 22 ta fuqarolik kemasi zarar ko‘rgan yoki yo‘q qilingan.
Dushanba kuni Rossiya raketasi Odesa portida Palau bayrog‘i ostidagi kemaga urilgan bo‘lsa, yakshanba kuni yana bir rus raketasi Pivdenniy portida makkajo‘xori olib ketayotgan Sent-Kits va Nevis bayrog‘i ostidagi fuqarolik kemasiga zarar yetkazdi.