Rossiya Bolgariyaga nota yo‘lladi

Rossiya elchixonasi Bolgariya Tashqi ishlar vazirligiga rossiyalik fuqaro Igor Grechushkin ishi yuzasidan rasmiy nota yo‘lladi.

Ma’lumotlarga ko‘ra, Grechushkin besh yil avval Livan poytaxti Bayrut portda sodir bo‘lgan yirik portlash bilan aloqadorlikda gumonlanib, yaqinda Sofiyada qo‘lga olingan edi.

Rossiya Tashqi ishlar vazirligi xabar berishicha, Moskva vaziyatni diqqat bilan kuzatib bormoqda va Bolgariyadan fuqarosining hibsga olinishi bo‘yicha batafsil ma’lumot taqdim etilishini talab qilmoqda.