Rossiya armiyasi sentyabr oyida Ukrainadagi janglarda 50 mingdan ortiq harbiy xizmatchisidan ayrilgan. Ularning 28 ming nafargachasi halok bo‘lgani taxmin qilinmoqda. Bu haqda Bloomberg NATOning yuqori martabali harbiy amaldoriga tayanib xabar berdi.
Manbaga ko‘ra, Rossiya qo‘shinlari katta yo‘qotishlarga qaramay, Ukraina hududida hujumlarni davom ettirmoqda. Harbiylar dronlar, artilleriya va minalar bilan himoyalangan hududlarga yuborilayotgani yo‘qotishlar ko‘payishiga sabab bo‘lmoqda.
NATO vakilining baholashicha, shu davrda Ukraina armiyasi 5 mingga yaqin harbiysini yo‘qotgan. Bu raqam halok bo‘lganlar va yaralanganlarni o‘z ichiga oladi.
Avvalroq NATO bosh kotibi Mark Ryutte Rossiya armiyasi ayrim oylarda 30–35 ming nafargacha harbiysidan ayrilayotganini bildirgan edi.
Tomonlarning harbiy yo‘qotishlari haqidagi ushbu ma’lumotlarni mustaqil tasdiqlash imkoni yo‘q.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
Shaxmat terma jamoasi a’zolari hibsga olindi
