Eron AQSh shartlariga javob berdi

Eron AQShning Tehron shartlariga javobini yetarli emas deb topdi.

Eron Oliy Milliy Xavfsizlik Kengashi kotibi Mohsen Rizoiy bu haqda shunday dedi.

"Amerikaliklar bizga ba’zi shartlarimizni qabul qilgan holda javob yuborishdi, ammo bir qator masalalarda noaniqlik saqlanib qolmoqda. Shuning uchun amerikaliklarga javob berishimiz kerak bo‘lgan biz emas, balki ular bizga javob berishlari kerak. Biz ularning javobini qoniqarsiz deb hisoblaymiz", dedi u.

Rizoiyning so‘zlariga ko‘ra, Vashington muzokaralarning keyingi bosqichiga o‘tishdan oldin qolgan masalalarni aniqlashtirishi kerak.

"Keyingi bosqichlarga o‘tishimiz uchun ular bu noaniqlikni hal qila oladimi yoki yo‘qmi, ko‘ramiz", deb ta’kidladi u.

Kengash kotibi so‘nggi ikki oy ichida AQSh Tehronga diplomatik aloqalarni tiklash bo‘yicha vositachilar orqali bir necha bor takliflar yuborganini ta’kidladi.

"So‘nggi ikki oy ichida amerikaliklar bizga uchta kanal - Pokiston, Qatar va hatto Iroq orqali takliflar yuborishdi. Ular bizdan takliflarimizni taqdim etishimizni so‘rashdi. Biz AQShga yettita shart qo‘ydik va ular bajarilmaguncha, Hormuz bo‘g‘ozi ular uchun yopiq bo‘lib qolishini va hech qanday muzokaralar bo‘lmasligini aytdik", dedi Rezaiy.

U shuningdek, Tehron Vashington bilan diplomatik aloqalarga yondashuvini o‘zgartirganini va avvalgi muzokara formatiga qaytish niyatida emasligini aytdi.

"Bizning diplomatiyamiz o‘zgardi va biz avvalgi modelga qaytmaymiz. Biz muzokaralarning uch bosqichini o‘tkazdik va har safar amerikaliklar ularni to‘xtatib, Eronga qarshi hujumlar uyushtirishdi", deb qo‘shimcha qildi Rezaiy.