Rossiya armiyasi Odessa yaqinidagi aerodromga qanotli raketa zarbalarini berdi, deb xabar qilmoqda Rossiya Mudofaa vazirligi navbatdagi hisobotida.
Rossiya harbiy departamentining qo‘shimcha qilishicha, bu “Qora dengizdagi gaz ishlab chiqarish platformalariga qilingan hujumga javob”.
Dushanba kuni Qrim rasmiylari Ukrainani Qora dengizdagi neft platformalariga zarba berishda aybladi. Rossiya 2014 yilda yarimorolni anneksiya qilganidan keyin bu neft platformalarini o‘z qo‘liga oldi.
Ukraina tomoni Qrim rasmiylarining bayonotlariga hozircha rasman izoh bermadi.