Portugaliyalik hujumchi Krishtianu Ronaldu terma jamoa miqyosida eng yaxshi to‘purar sovrinini oldi.
Futbolchi hisobida 189 uchrashuvda 117 ta gol bor. U 109 ta gol urgan eronlik Ali Dayini ortda qoldirdi.
“Bunday mukofotni olganimdan faxrlanaman. Bir kun kelib men ham bunga erishaman deb o‘ylamagandim. Faoliyatimda muhim rol o‘ynagan barchaga minnatdorchilik bildiraman. Krish baribir shov-shuv ko‘taradi”, dedi Ronaldu Portugaliya futbol federasiyasidagi tadbirda.
37 yoshli futbolchi 2003 yildan buyon Portugaliya terma jamoasida o‘ynab kelmoqda.
