Ronaldu: Bu faqat boshlanishi

«Manchester Yunayted», «Real Madrid» va «Yuventus»ning sobiq qiroli Krishtianu Ronaldu seshanba kuni «Al-Nassr»ning «Al-Feyha» ustidan 4:1 hisobida g‘alaba qozonganidan so‘ng, bu faqat boshlanish ekanligini aytdi.

Futbol timsoli o‘z jamoadoshlarini yaxshi boshlangan mavsumni shunday davom ettirishga chaqirdi.

39 yoshli futbolchi gol va golli uzatmaga mualliflik qildi.

U Buraydadagi «Qirol Abdullah Sport Siti» stadionida 5 daqiqa ichida Taliskaning birinchi goliga assistentlik qildi va keyin o‘zini hisob qaydnomasiga kiritib qo‘ydi.

U mavsumdagi birinchi jarima zarbasini qo‘shib berilgan vaqtning o‘ninchi daqiqasida amalga oshirib, Lionel Messining rekordini yangilashga yaqin qoldi - birgina gol.

Bu uning klub va terma jamoa safidagi 64-jarima zarbasi bo‘ldi va u azaliy raqibi Messidan atigi bittaga ortda qolmoqda.

Shuningdek, bu uning klub va terma jamoadagi yorqin faoliyatidagi 899-goli bo‘ldi.

Ronaldu «Al-Nassr»ning g‘alabasidan so‘ng «X»da o‘z munosabatini bildirdi: “Bu faqat boshlanishi! Olg‘a @AlNassrFC!”