Reuters: Tramp AQShdagi saylovlarga qadar Eron bilan urushning avj olishidan qochmoqda

AQSh prezidenti Donald Trampning maslahatchilari, jumladan vise-prezident Jey Di Vens va davlat kotibi Marko Rubio, 3 noyabrdagi Kongress saylovlariga qadar Eron bilan urushni yanada kuchaytirishga yo‘l qo‘ymaslik tarafdori. Ma’muriyat bu orqali respublikachilarning saylovdagi ehtimoliy yo‘qotishlarini kamaytirishga umid qilmoqda.

Vashington hozircha asosiy urg‘uni sanksiyalar, iqtisodiy bosim va Hurmuz bo‘g‘ozi atrofidagi blokadaga qaratmoqda. Saylovlardan keyin Eronga qarshi kuchliroq harbiy zarbalar berish imkoniyati ko‘rib chiqilishi mumkin, ammo yakuniy qaror hali qabul qilinmagan.