«Real Madrid» Kurtuaga jiddiy raqobatchi olib kelmoqchi

Darvozabon Janluidji Donnarumma "PSJ"ga kerak emasligi va tez orada jamoasini o‘zgartirishi ma’lum bo‘ldi. So‘nggi kunlarda matbuot 26 yoshli italiyalikni "Manchester Siti" bilan bog‘lamoqda. Ammo top darvozabon oldida boshqa variantlar ham bor.

Transfer News Live nashrining CaughtOffside’ga tayanib xabar berishicha, Donnarumma uchun kurashish imkoniyatini "Real" ko‘rib chiqmoqda. Madrid superklubidagilar Janluiji uzoq muddatli istiqbolda Tibo Kurtuaning o‘rnini egallashi mumkinligiga ishonishmoqda.

Nufuzli Transfermarkt portali mutaxassislari Janluidji Donnarummani 40 million yevroga baholamoqda. Avvalroq futbolchi "PSJ" bilan mehnat shartnomasini uzaytirish borasida kelisha olmagandi.